Паян, юпа уйăхĕн 6-мĕшĕнче, Лаш Таяпари вăтам шкулта, Елчĕк округĕн мухтавлă ывăлĕ - Украинăри ятарлă çар операцине хутшăннă,  паттăрла вилĕмпе пурнăçран уйрăлнă Сергей Борисович Миллина асăнса тĕл пулу иртрĕ.

Асăну каҫне Сергей Борисовичăн тăванĕсемпе ҫывăх юлташĕсем хутшăнчĕҫ.

Малтанах шкул залне пухăннă шкул ачисем, учительсем, килнĕ хăнасем Сергей Миллинăн пурнăҫĕ ҫинчен хатĕрленĕ видеофильмпа паллашрĕҫ. Ун хыҫҫăн шкул директорĕн советникĕ М.А.Меметова Миллинсем хăйсен тăванне асăнса ҫырнă ҫыруне вуласа пачĕ. Малалла шкул ачисем паттăра халалласа сăвăсем каларĕҫ. Пурте ура ҫинче пер минут шăп тăчĕҫ.

Тухса калаҫакансем пурте Сергей Миллина ырăпа асăнчĕҫ. Шкул ачисене ун пекех  хастар пулма, Тăван ҫер шыва юратма, спортпа туслă пулма сунчеҫ. Тăванĕсем шкул коллективне, юлташĕсене асăну каҫне ирттерсе чыс тунăшăн тав турĕҫ.