Ака уйăхĕн 18-мĕшĕнче Комсомольски районĕнчи Хырай Ĕнелĕнчи Культура керменĕнче  «Туркай вулавӗсем» 5-мĕш поэзи фестивалĕ пулса иртрӗ. Поэзие юратакансене тупса палăртас, чăвашлăха аталантарас, Валери Туркай пурнăçĕпе тата пултарулăхĕпе тĕплĕнрех паллашас тĕллевпе пухăннă уява шкул ачисем, вĕрентекенсемпе сумлă хăнасем.  

  «Туркай вулавĕсем»   фестивалĕн тĕп тĕллевĕ Чăваш халăх поэчĕсен Валери Туркайпа  пултарулăхне шкул ачисенче анлăрах сарасси, сумлă çыравçăсен сăввисене палăртуллă та илемлĕ каласси, тăван чĕлхене хисеплеме вĕрентесси, вĕренекенсен пĕтĕмĕшле культура шайĕпе тавра курăмне ӳстерме пулăшасси пулчĕ.

  Пултарулăх ăмăртăвне Чăваш Республикин Йĕпреç,  Комсомольски тата Елчĕк муниципалитет округĕсен пĕтĕмĕшле пĕлӳ паракан тĕп, вăтам шкулĕсен  вĕренекенĕсем  хутшăнчĕç.  Вĕренекенсемпе пĕрлех вĕрентекенсем те хăйсен пултарулăхĕпе савăнтарчĕç.

  Пирĕн шкултан çак конкурса хутшăнса Леонтьева И.А., Арефьева С.А., Абдулкина Н.П.  вĕрентекенсем призла вырăнсем йышăнчĕç , 9-мĕш класс вĕренекенĕ Романова Виктория «Гран при» дипломне çĕнсе илме пултарчĕ.