Чăваш чĕлхи кунне тата мухтавлă ентешсене халалласа  Чăваш Республикин вĕрентÿ институчĕ Чăваш наци конгресĕпе пĕрле ака уйăхĕн 15-25-мĕшĕсенче «Эпĕ чăвашла калаçатăп» акци ирттерет.

     Акцие чăвашла калаçакан кирек кам та хутшăнма пултарать: Чăваш чĕлхи е Чăваш Енĕн мухтавлă ентешĕсем çинчен сăвă вуласа е юрă юрласа видео çине ÿкерсе илмелле те #эпĕчăвашлакалаçатăп# хештегпа “Контактра” хутшăну тетелĕнчи “Чăваш чĕлхи -  чĕкеç чĕлхи”, “Чăваш наци конгресĕ” ушканĕсене вырнаçтармалла. Çак акцие Елчĕк районĕнчи Лаш Таяпари В.В.Андреев ячĕллĕ пĕтĕмĕшле пĕлÿ паракан вăтам шкулĕн 9-мĕш класра вĕренекен Матвеева Людмила Галина Енейкина çырнă “Вăл – космос паттăрĕ” сăвă вуласа хутшăнчĕ. Людмила çĕнтерÿçĕсем хушшинче пуласса шанас килет.